自从YY Concert入面听到苏永康嘅《黑色礼服》之后，又一次被佢嘅声音同努力感动。

其实从前，已经系好远嘅从前，苏永康都红过。至少当年仲有Cassette带卖嘅时候，我都有买过只劲歌金曲，佢当年都挪过十大。但系，点解咁好听嘅声音，咁努力嘅人就系冇办法大红落去？

或者只能归咎香港乐坛当年实在太可惜，可惜千禧年前有太多实力派，而资金运因为金融海啸而断链。所以之后，只有当年十分有财力嘅实力派得以生存。又所以，依家我地可以继续追捧嘅某某与某某都系幸运嘅。

苏永康，只系当时芸芸普通有才华嘅音乐人中相对运势普通嘅一位。

不过同样可惜嘅係时至今日，曾经嘅天皇天后都纷纷让位，香港新生代青黄不接嘅时候，仍然努力嘅佢又不知因何冇得咸鱼翻生。

无论如何，有幸于乐坛仲有咁样努力又不至于被生活压垮嘅歌手，佢专心唱歌，有人写好歌俾自己，唱；冇人写就翻唱。落力地唱，唱到最后，成为音乐记忆中某个未必响亮却不可或缺嘅声音。